گوگل نے اپنے مشہور Maps پلیٹ فارم میں ایک نیا انقلابی قدم اٹھایا ہے۔ کمپنی نے ایسے اے آئی ٹولز متعارف کرائے ہیں جو ایپ ڈیویلپرز کے لیے نقشہ جات پر مبنی ایپلی کیشن بنانا پہلے سے کہیں زیادہ آسان بنا دیں گے۔
نومبر 9 کو گوگل نے اپنے AI Developer Tools Suite کا اعلان کیا جس میں سب سے دلچسپ فیچر ہے Builder Agent; یہ ایک ایسا نظام ہے جو آپ کی عام زبان میں دی گئی ہدایات کو خود بخود مکمل ایپ پروٹوٹائپ میں بدل دیتا ہے۔ مثال کے طور پر اگر کوئی ڈیویلپر لکھے “اپنے شہر کا 3D Street View ٹور بناؤ” یا “میری ایپ میں موجودہ موسم دکھاؤ” تو یہ ٹول خودکار طور پر اس کے لیے مکمل کوڈ تیار کر دیتا ہے جو آگے جا کر Firebase Studio میں براہ راست ایکسپورٹ کیا جا سکتا ہے۔
یہ پورا نظام Gemini ماڈلز پر مبنی ہے، جو گوگل کے جدید ترین اے آئی انجنز ہیں۔ کمپنی کے مطابق یہ ٹول 25 کروڑ سے زائد مقامات کے ڈیٹا کے ساتھ کام کرتا ہے اور چند لمحوں میں قابلِ استعمال پروٹوٹائپ بنا دیتا ہے۔ اس طرح ایپ بنانے کا وقت ہفتوں سے کم ہو کر صرف گھنٹوں میں سمٹ آتا ہے۔
اسی کے ساتھ گوگل نے Grounding Lite نامی فیچر بھی شامل کیا ہے جو ڈیویلپرز کو اپنی اے آئی ماڈلز کو Maps کے درست ڈیٹا کے ساتھ جوڑنے دیتا ہے۔ یہ فیچر Model Context Protocol پر مبنی ہے جو 2024 میں Anthropic نے متعارف کرایا تھا تاکہ اے آئی ماڈلز کو بیرونی ڈیٹا سورسز سے صحیح طرح کنیکٹ کیا جا سکے۔ اب اگر کوئی صارف کسی اے آئی اسسٹنٹ سے پوچھے “میرے قریب سب سے نزدیک گروسری اسٹور کہاں ہے؟” تو جواب حقیقی لوکیشن ڈیٹا کے ساتھ دیا جائے گا۔
ایک اور طاقتور اضافہ ہے Contextual View : یہ ایک low-code کمپوننٹ ہے جو صارف کے سوال کے مطابق بصری نتائج دیتا ہے، جیسے لسٹ، میپ یا 3D ویو۔ گوگل کے مطابق اب بڑے لینگویج ماڈلز خود بخود Maps سے متعلق ڈیٹا نکال کر چیٹ کے اندر براہ راست دکھا سکتے ہیں۔
ڈیویلپرز کے لیے اسٹائلنگ کو بھی آسان بنا دیا گیا ہے۔ Styling Agent اب خودکار طور پر برانڈ کے رنگوں اور تھیم کے مطابق نقشے ڈیزائن کر سکتا ہے تاکہ مختلف ایپس میں بصری ہم آہنگی برقرار رہے۔ اس کے ساتھ MCP Server براہِ راست گوگل میپس کی دستاویزات سے جڑتا ہے، جہاں ڈیویلپر قدرتی زبان میں سوال کر کے API کے استعمال کے بارے میں درست جوابات حاصل کر سکتے ہیں۔
گزشتہ چند ماہ سے گوگل مسلسل Maps میں اے آئی فیچرز شامل کر رہا ہے۔ اکتوبر میں کمپنی نے Gemini API میں “Grounding with Google Maps” کا فیچر متعارف کرایا، جبکہ نومبر کے آغاز میں صارفین کے لیے “hands-free navigation” شامل کی۔ بھارت میں اب Maps میں حادثات اور رفتار کی حد کی معلومات بھی دی جا رہی ہیں۔
فی الحال Builder Agent گوگل میپس پلیٹ فارم پر دستیاب ہے اور ڈیویلپرز اپنے API keys کے ساتھ براہِ راست تجربہ کر سکتے ہیں۔
یہ تحریر اے آئی کی دنیا کے فیس بک پیج پر شیئر کی گئی۔
