اوپن اے آئی نے Sora 2 کا اجرا کر دیا ہے، مگر ابھی یہ دنیا بھر میں سب کے لیے دستیاب نہیں۔ Sora 2 فی الحال صرف چند ممالک ، خاص طور پر امریکہ اور کینیڈا، میں دعوت نامے (invitation-only access) کی بنیاد پر فراہم کیا جا رہا ہے۔اور فی الحال iOS پر دستیاب ہے۔
یعنی اگر آپ پاکستان میں ہیں، آپ کے پاس Apple ID بھی پاکستانی ہے، اور آپ امریکہ یا کینیڈا میں موجود نہیں، تو آپ کو براہِ راست Sora 2 کا استعمال کرنے کی اجازت نہیں ملے گی۔ لیکن... یہ کہانی یہیں ختم نہیں ہوتی۔
ایسے حالات میں تخلیقی لوگ ہمیشہ راستے نکالتے ہیں۔ کچھ امکانات یہ ہیں:
اول، آپ ایک ایسا Apple ID بنا سکتے ہیں جس کا مقام امریکہ ہو۔ اس کے بعد آپ امریکی App Store سے Sora کی ایپ ڈاؤنلوڈ کر سکتے ہیں۔ایک اچھا وی پی این استعمال کرنا مت بھولیں۔ لیکن یاد رکھیں، صرف ایپ ڈاؤنلوڈ ہونا کافی نہیں ، OpenAI فی الحال صرف منتخب صارفین کو دعوت نامہ بھیج رہا ہے۔
دوم، اگر آپ ایپ اپنے آئی فون پر انسٹال کرلیتے ہیں، تو انوائٹ کے لیے، ایکس (ٹوئٹر) پر انوائٹ سرچ کر سکتے ہیں، جو کہ اس وقت کافی آسانی سے مل رہے ہیں، کیونکہ ابھی پوری دنیا میں اس کی ایکسیس نہیں ہے۔
تیسرے مرحلے میں یہ بھی ممکن ہے کہ جلد ہی OpenAI Sora 2 کو دنیا بھر میں عام کر دے۔ جیسے GPT-4o کی صورت میں کیا گیا، ویسے ہی ایک دن Sora بھی سب صارفین کے لیے دستیاب ہو سکتا ہے۔ اس لیے ابھی سے App Store پر Sora کو فالو کریں، OpenAI کی ویب سائٹ پر جا کر “Join the waitlist” کے آپشن پر سائن اپ کریں، اور سوشل میڈیا پر ان کی اپ ڈیٹس کو باقاعدہ مانیٹر کریں۔
ایک بات طے ہے: ہم ایک ایسے دور میں داخل ہو چکے ہیں جہاں صرف ملک، پاسپورٹ یا زبان آپ کی حد بندی نہیں کرتے ، اگر آپ کے پاس تخیل، سیکھنے کی لگن اور تھوڑا سا ہنر ہے، تو Sora ہو یا کوئی اور ذہین نظام، سب آپ کے ہاتھ میں آ سکتے ہیں۔
کل تک ویڈیو بنانے کے لیے کیمرہ، عملہ، بجٹ اور وقت درکار ہوتا تھا۔ آج ایک خیال، ایک پرومپٹ اور ایک سافٹ ویئر کافی ہے۔
کمنٹس میں بتائیں کہ اگر آپ کو آج Sora مل جائے، تو آپ کیا بنائیں گے؟ صرف تفریح؟ یا کچھ ایسا جو لوگوں کے دل اور دماغ بدل دے؟
یہ تحریر اے آئی کی دنیا کے فیس بک پیج پر پوسٹ کی گئی ہے۔
