اوپن اے آئی کے سی ای او سام آلٹمین اور ایپل کے لیجنڈری ڈیزائنر جونی آئیو نے پہلی بار تصدیق کی ہے کہ ان کا خفیہ اے آئی ہارڈویئر ڈیوائس اب پروٹوٹائپ بن چکا ہے۔ ان کے مطابق یہ آلہ “انتہائی سادہ، خوب صورت اور کھیل جیسی خوش مزاجی لئے ہوئے ہے” اور اگلے دو برسوں میں سامنے آ سکتا ہے۔
پس منظر دلچسپ ہے۔ اوپن اے آئی نے صرف ایک ماہ میں ایپل کے 40 سے زیادہ ہارڈویئر انجینئرز بھرتی کیے ہیں، جن میں کیمرہ، سِلیکون، سینسر اور سسٹم ڈیزائن کے ماہر شامل ہیں۔ یہ اسی وقت ہو رہا ہے جب اوپن اے آئی نے جونی آئیو کی کمپنی io کو 6 بلین ڈالر میں خریدا تھا۔
ایپل اندرونی طور پر اس بھرتی مہم سے خوش نہیں، کیونکہ وہ بھی اے آئی پر مبنی سمارٹ ہوم ڈیوائسز اور روبوٹکس پر کام کر رہے ہیں۔ اس صورتحال نے دونوں کمپنیوں کو براہ راست مقابلے میں لا کھڑا کیا ہے۔
یہ پوسٹ اے آئی کی دنیا کے فیس بک پیج پر پوسٹ کی گئی ہے۔
