انتھروپک نے Claude Code کے لیے ایک نیا فیچر Code Review متعارف کرایا ہے جس کا مقصد سافٹ ویئر ڈویلپمنٹ کے دوران ایسے بگز اور مسائل تلاش کرنا ہے جو اکثر انسانی ریویو سے بھی رہ جاتے ہیں۔
اس سسٹم میں ایک نہیں بلکہ پانچ متوازی اے آئی ایجنٹس استعمال کیے جاتے ہیں جو ایک ہی پل ریکوئسٹ کو بیک وقت تجزیہ کرتے ہیں۔ یہ ایجنٹس کوڈ کا مختلف زاویوں سے جائزہ لے کر ممکنہ بگز، سکیورٹی مسائل اور لاجک کی غلطیوں کی نشاندہی کرتے ہیں۔
کلاڈ کوڈ کا یہ فیچر ہر دریافت ہونے والے مسئلے کو اعتماد (confidence) کے اسکیل پر اسکور بھی کرتا ہے اور صرف وہی مسائل نمایاں کرتا ہے جنہیں زیادہ سنگین یا اہم سمجھا جائے۔ اس سے غیر ضروری الرٹس کم ہوتے ہیں اور ڈویلپرز اپنی توجہ اہم مسائل پر مرکوز رکھ سکتے ہیں۔
کمپنی کے مطابق ایک مکمل اے آئی کوڈ ریویو میں تقریباً 20 منٹ لگتے ہیں اور اس کی لاگت تقریباً 15 سے 25 ڈالر کے درمیان ہو سکتی ہے۔
فی الحال یہ فیچر ریسرچ پریویو کے طور پر Team اور Enterprise صارفین کے لیے دستیاب ہے۔ ماہرین کے مطابق اس طرح کے اے آئی کوڈ ریویو ٹولز کے آنے سے ڈویلپر ٹولز کی دنیا میں مقابلہ مزید تیز ہو رہا ہے، خاص طور پر OpenAI اور Microsoft کے GitHub Copilot جیسے پلیٹ فارمز کے ساتھ۔
یہ تحریر اے آئی کی دنیا کے فیس بک پیج پر پوسٹ کی گئی ہے
