انتھروپک نے Anthropic Marketplace نامی ایک نیا پلیٹ فارم متعارف کرا دیا ہے جس کے ذریعے کارپوریٹ صارفین Claude ماڈل پر بنے تھرڈ پارٹی اے آئی ٹولز خرید سکتے ہیں۔
اس مارکیٹ پلیس میں مختلف پارٹنرز کے ٹولز دستیاب ہوں گے جن میں Snowflake، Harvey اور Replit جیسے پلیٹ فارمز شامل ہیں۔ ان ٹولز کو براہ راست Claude کے ایکو سسٹم کے اندر استعمال کیا جا سکے گا۔
دلچسپ بات یہ ہے کہ انتھروپک اس مارکیٹ پلیس پر ہونے والی فروخت سے کوئی کمیشن نہیں لے گا۔ کمپنی نے یہ سہولت بھی دی ہے کہ صارفین اپنی موجودہ Anthropic سبسکرپشن یا اخراجات کو تھرڈ پارٹی ٹولز پر بھی استعمال کر سکیں، جو کسی حد تک Amazon اور Microsoft کے مارکیٹ پلیس ماڈل سے ملتا جلتا ہے۔
یہ لانچ ایسے وقت میں سامنے آئی ہے جب امریکی محکمہ دفاع نے انتھروپک کو ایک تنازع کے بعد “supply chain risk” قرار دیا ہے۔ یہ تنازع اس بات پر پیدا ہوا کہ کمپنی اپنی اے آئی ٹیکنالوجی کے فوجی استعمال کے حوالے سے کچھ حدود برقرار رکھنا چاہتی تھی۔
ماہرین کے مطابق Anthropic Marketplace کا مقصد صرف نیا بزنس ماڈل متعارف کرانا نہیں بلکہ Claude کے گرد ایک مضبوط AI ایکو سسٹم بنانا بھی ہے، جہاں مختلف کمپنیوں کے ٹولز ایک ہی پلیٹ فارم پر دستیاب ہوں۔
یہ تحریر اے آئی کی دنیا کے فیس بک پیج پر پوسٹ کی گئی ہے
